المبيعات والمخزون
متى يحتاج المحل برنامج مبيعات ومخزون؟
علامات واضحة تقول إن الدفتر والإكسل ما عادوا يكفون، وشنو تسأل قبل ما تختار نظام.
مو كل محل يحتاج نظام من أول يوم. محل صغير بأصناف قليلة يكفيه دفتر منظم. بس أكو علامات تقول إن الوقت حان.
علامات تحتاج تنتبه لها
- ما تعرف شكد باقي من مادة معينة إلا لما تروح للمخزن.
- تبيع شي خالص وتكتشف بعدين.
- الجرد يأخذ أيام ونتيجته ما تطابق الدفاتر.
- أكثر من شخص يبيع وكل واحد يسجّل بطريقته.
- ما تعرف أي صنف يربح وأي صنف واقف.
- فتحت فرع ثاني أو تفكر تفتح.
أسئلة قبل ما تختار نظام
- هل يشتغل بالعربي وبمصطلحاتي؟ النظام اللي ما يفهمه موظفك راح يتركه.
- هل يشتغل من الموبايل؟ مهم إذا تريد تتابع وانت برّا المحل.
- منو يدخل البيانات الأولية؟ إدخال مئات الأصناف شغل لازم يتخطط إله.
- شنو يصير إذا انقطع النت أو الكهرباء؟ اسأل عن النسخ الاحتياطي.
- شكد الكلفة الحقيقية؟ السعر الأول، والصيانة، والاستضافة إن وجدت.
ابدأ صغير
أحسن طريقة هي البدء بوظيفة وحدة تحل أكبر مشكلة عندك، مثلاً الفاتورة والمخزون فقط، وبعدين تضيف الديون والتقارير. نظام بسيط يُستعمل كل يوم أحسن من نظام كامل محد يفتحه.